تاريخ : شنبه بیست و چهارم مرداد ۱۳۹۴ | 16 | نویسنده : حسین خورا |

 

په‌ی کاکه هۆمایون محه‌مه‌دنژادی :شێعرێوه جه مامۆسا میرزای هه‌ورامی

یا نامێ خودای چادرکه‌وه‌ی

                          په‌ی کاکه هۆمایون محه‌مه‌دنژادی      

سڵامێ  پێسه   بوڵبۆلوو    چڵی

                                  بوڵبوڵی  بێ باڵ ، تۆریا   جه  گوڵی

گوڵی ژاکیاو  ته‌یمان  ته‌ن کریا 

                                  یا     په‌ی    دیواخان  ،  زاڵما   بریا            

پێسه   زوڵاڵی     ئاوه‌کی   بڵی

                                  یا    زگار      دیاو      ئاواتوو     دڵی

ده‌ساوێژوو من، په ی برا واڵه‌ی

                                  ساحیبوو   ده‌م   و   قه‌ڵه‌م  و ناڵه‌ی

به  تایبه‌ت  ئانێ  ده‌رد ئاشنه‌ینێ

                                  پێسه      هه‌ناراو     ناوێ   یاوه‌ینێ

پێسه  ئا   به‌قا    قاسپنا  جه  کۆ

                                   لرناوه     که‌پر   و    هه‌واره‌که‌و   تۆ

ماچا  یانه‌که‌ت نیشتمانوو   تۆن

                                   تفاقوو   پاییز   و   زمسانیت  چکۆن؟

مرۆ   ئا  که‌سه   تفاق  نه‌ژناسا

                                   ڕۆ ویار ، هه‌ر  په‌ی دز به‌رده‌ی خاسا

 

ئه‌غڵه‌ب  ئینه‌نێ   ئوونێ  دزاشا

                               مجیۆشا  چه‌کمه‌یچ  نه‌رمیش  کڵاشا

ئه‌ی واڵه وبراڵه‌ی هه‌ورامانی من

                               مایه‌ی    سه‌باڕۆی    کامه‌رانی    من

جه‌میتا    یانێ     زه‌وقتا    جمان

                              بێ زه‌وق،نائۆمێد،هه‌ر  وه‌ره‌و   و  دمان

زه‌وق و ئۆمێدا  په‌ی  ئێمه،  ئارۆ

                            چی ووشکه‌ساڵی حه‌وت ته‌به‌ق وارۆ         

جه حه‌وت  کتیبا  په‌رده لا ده‌یمێ

                               یانی(خه‌سره‌وا) ها   ئێمه‌یچ   مه‌یمێ  

عه‌سری هومایون ڕێبازی شیرین

                               ئانه‌ن   شیرینی  ،   که‌راش   ئافه‌رین    

جه ئه‌وجه‌و گلکێن که  مانگه  بنریۆ

                               شیرین ئا که‌سه‌ن  زانۆ   چێش   دزێۆ

ئه‌ر ئاوه‌ز و زه‌وق شعوور ڕاوه بۆ

                               ئێشوو        ئارۆلای      دزراوه      بۆ   

حه‌وت بۆ به حه‌فتا وهه‌شتایچ ئه‌ولاته‌ر

                               باڵێ   که‌رمێوه ،  نه  فجۆق   که‌مه‌ر  

چڕمێ  ده‌ینه‌وه‌ر بیستوون  سه‌رپێڵ

                               عه‌ره‌ب وعه‌جه‌م که‌رمێ گه‌شت وگێڵ    

پیر  هه‌ورامین  و جوان هه‌ورامین

                               تۆز  ته‌کن   کریا   ،  گه‌وهه‌رۆ   کانین

ئه‌ده‌ب قاسم‌خان فه‌رهه‌نگ چوون شه‌رام

                               نان هه‌ر   هه‌ورامین، باقی  والسلام

 

میرزای هه‌ورامی 1394/3/20

 هه‌ورامان هانه‌به‌رچه‌م

 

گلێره‌بیه‌و هه‌ورامان ئه‌ژناسای(کنگره هورامان شناسی)

جه شاروو کامیارانی/هامنوو 1385کۆچی ڕۆجیاری

 هه‌ورامان هانه‌به‌رچه‌م

 

مامۆسای میرزای هه‌ورامی؛

جه ئه‌رمانای و په‌رده لادای جه حه‌وت کتێبێ جه لاو وه‌ڵاوگه‌و ڕێبازی

جه شاروو مه‌ریوانی
20/3/1394

برچسب‌ها: میرزای هورامی , همایون محمدنژاد , شعرهورامی , هورامان , اورامان

تاريخ : سه شنبه بیست و سوم تیر ۱۳۹۴ | 18 | نویسنده : حسین خورا |

شه ماڵ زوو بۆ وه هـــــــه واڵیه باره
هه وارم چۆڵا.دڵ وه یـــــــــلان پاره

 

ده فتــه رم غه مــگین. قه ڵه مم مـاتا
دڵ مه جنوون ئاسا چه مــه رای ڕاتــــا

 

واچه نه به سیان ته ته و داڵانـــــــی...
هه یشوور وه هار شا پیسه و ساڵانــی

 

گنۆ  ڕا بــه یوه چیگه غـــــــه م وارۆ
پاییز حاکما بــه ی چه رخــــــی فــارۆ

 

خیاڵ چوون هـاره پێچ مـــــذونه وێش
جه بی وه فایی بــا سۆچۆ پـه ی وێش

خیاڵ

 

 



تاريخ : سه شنبه بیست و سوم تیر ۱۳۹۴ | 18 | نویسنده : حسین خورا |

حه یفا ته وێڵه ت هاره ق که رۆ په ی زوانوو بێگانه ی

زوانوو وێت گیان که نێشت که رۆ ده رمان که ری بێگانه ی

داروو زوانیت وشک بیه ن.لاد دان ئاوه و ڕۆخانـــــــــــه ی

وه ڵاتت چۆڵت که رده ن که رده نت قه سره یانه و بێگانه ی

حسه ین خورا ( خیاڵ)

عکس ‏‎Hosain Dal‎‏

 


برچسب‌ها: شعرهورامی , هه ورامان , حسین خورا , اورامان , زبان

تاريخ : سه شنبه بیست و سوم تیر ۱۳۹۴ | 18 | نویسنده : حسین خورا |

هاگاداری

به داخه وه ته ماوو هه رمانه و ساڵه و93و94جه لاوسایته و بلاگفایوه لاشیه ن.

 

متاسفانه تمام فعالیت های سال 93و94 از طرف سایت بلاگفا برداشته شده است .

عکس ‏‎Hosain Dal‎‏

 



تاريخ : سه شنبه بیست و سوم تیر ۱۳۹۴ | 17 | نویسنده : حسین خورا |
تاريخ : سه شنبه بیست و سوم تیر ۱۳۹۴ | 17 | نویسنده : حسین خورا |
.: Weblog Themes By VatanSkin :.